PISAEUS Jupiter

PISAEUS Jupiter

dicebatur simulacrum Iovis apud Pisatas culti. quod ex ebore a Phidia factum, inter VII. Veterum miracula locum habuit. Πίσης Σῆνα, Pisae Iovem vocat Philo apud Galenum in descri. medicamenti sui anodyni, quod ab ipso Φιλώνειον dictum est:

Δραχμὴν καὶ ῥίζης ψευδωνύμου, ἣν ἀνέθρεψε

Χῶρος, ὁ τὸν Πίςης Ζῆνα λοχευςάμενος.

Et drachmam radicis falsô dictae, quam aluit

Regio, quae Pisae Iovem formavit.

Quae verba Galenus explicas, de Cretica nardo accipi videtur velle, quia Creta Iovem occuluit: Sed omnino de India intelligenda docet Salmas. Eber enim, ex quo Iuppiter hictactus, India mittlt, quae proin Philoni lucus seu regio dicitur, quae fâbricaverit vel formaverit Pisaeum Iovem. Eadem quoque educavit ῥίζαν ψευδώνυμον, nardum, quaecum revera sit radix, falso tamen nomine νάρδου ςτάχυς, h. e. nardi spica Graecis nuncupatur. Vide Salmas. ad Solin. p. 1061. ubi de nardo pluribus agit, et plura de famigeratissima hac statua, apud P. Fabrum, Agonistic. p. 356. et Io. Passeratium ad Propertium, l. 3. Eleg. 9.